My Birthday Wish List

Tapos na naman ang buwan ng October. Ano na naman ba ang natapos ko ngayong buwan na to kundi tumataginting at ma-asensong WALAAA! Sobrang successful ko sa pag-accomplish ng WALA. Mahirap gumawa ng WALA ha... Malaking effort din yun. Kasi lahat tayo ang gusto'y makagawa ng kahit na ano kahit papaano, at wala ni isa man ang ginustong makagawa ng wala... so technically... meron pa rin akong nagawa... ano nga ba yun?

So, kung tapos na nga ang October, ano ang ibig sabihin nun? eh di siyempre, mag uumpisa na ang November. Happy Halloween nga pala to everyone. Nami-miss ko na nga pala ang pagtambay sa sementeryo kapag ganitong araw ng mga patay. Dun kasi kami kumakain ng IUD at betamax. Tapos, sound and foods ang trip. Dati yun, ngayon kasi yata ipinagbabawal na ang malakas na sounds sa sementeryo.

Depress depressan ang mood ko ngayon. Magbe-birthday na naman kasi ako. Takte, magbe-bente na pala ako, wala man lang akong maipagmamalaki maliban sa nada-dagdagan lang ang edad at mga utang. Teka, bente ba ang nasabi ko? sige hayaan mo na, nakakapagod ang mag-edit eh. So yun nga, dumadami lalo ang mabibigat na dalahin sa buhay, pati ang makinis kong kutis, nagkaka tighiyawat na. Nagmumukha na tuloy akong pimple na tinubuan ng mukha.

Cool sanang gayahin ang picture greetings ni Jepoy para sa aking birthday, pero diyahe naman kasi ayoko ng gaya- gaya kaya wag na lang. Nagi-guilty pa nga ako kasi di pala ako nakapag bigay sa kanya ng aking picture greeting eh sobrang close ko pa naman kay Jeps... Sa sobrang closeness eh dina ako makahinga...(feeling close lang, hehehe, pagbigyan monako Jepoy).

Kaya ang gagawin ko na lang eh ililista ko na lang dito ang aking mga birthday wishes para naman makapag-prepare na ang mga sensitive and caring kong friendseses who are there to make sure that I spend a memorable birthday.


Number 1. I wish to have 1 million dirhams. Pati tumbong ng magreregalo sa akin nito hahalikan ko hahaha!


Number 2. 2010 Organizer/ diary. October pa lang ng kasalukuyang taon naguumpisa na akong bumili ng mga ganito. Lagi kasi akong excited for the next year. Pero ngayong year, sinadya ko talagang di muna bumili, dahil siguro I'm not looking forward for the next year. At tsaka isa pa, wala talaga akong pambili. Kaya kung sino man ang gustong magregalo gusto ko sana yung pocket lang, yung hindi bulky. Lagi ko kasing dala dala ang diary ko kahit san ako magpunta, kaya sana yung hindi mabigat sa bag. Wag na kayong magreklamo kung demanding ako, birthday ko naman eh.


Number 3. Wish ko sana may magpadala sa akin ng orange roses sa birthday ko. Roses ha, hindi rose, plural yun kaya dapat madami dami, mga 3 or more siguro.


Number 4. Sana may manlibre sa akin ng sine. Kung medyo may pera yung manlilibre, paki-libre na rin ako ng kape... Kung pwede pa ring humirit, eh sana ilibre na rin ako sa inuman... (hahahah... isiningit talaga ang pagiging alcoholic?) Joke lang po, chismis lang po ang issue na lasenggera ako. Pinagkakalat lang yun ng mga taong naiinggit sa akin hhaha!


Number 5. Sana mag organize ang mga friends ko ng surprise birthday party, yung hindi ko sasagutin ang handa, para naman ma-surprise ako hehehe. (Araaay, ayan may bumatok na sakin!)


Number 6. At ang pinaka-importante sa lahat ng mga hiling ko ay "World Peace" (ang plastic, parang pang ms. universe lang, hehe)


May number 7 pa pala. Pakilibre na rin ako ng round trip ticket to the Philippines. Bibili lang sana ako ng balot, na mainit init pa sa basket ni Manong.


Siyempre hihirit pa ako ng number 8. Burberry Classic. oks na sakin ang 50ml.


Itotodo ko nato hanggang 10, once a year lang naman akong humiling eh, better take the shot, coz you'll never know.


So ang number 9 sa wish ko eh, libro ni Jack Kwek-kwek (Kereoack) nakalimutan ko na ang apelyido, "On the Road"


And number 10. Sana matupad lahat ng wish ko. Yun lang



Mag comment ka na sa ibaba kung may naisip ka nang walang kwentang sasabihin kasi ang susunod na babasahin mo na eh ang mga ma-emo kong mga ka-shitang saloobin.


Una. Ilang beses na akong nasabihan kung bakit wala daw akong pinapakinggan sa buhay. Sabi ko, iba ang nakikinig sa ginagawa ang naririnig. Lahat tayo may sariling desisyon at judgement sa mga bagay bagay. Tulad halimbawa ng pagkilatis kung alin ang mali at tamang mga payo. Pakikinggan mo pa rin ang sarili mong judgment, kasi minsan nakakalito kung ano nga ba ang mga tamang payo. Kasi kung alam natin na nagagawa nating lahat ng "tamang" payo, wala na sanang tao ang nagkakamali.



Pangalawa. Nais kong sabihin sa mga mahal ko sa buhay na mahal na mahal ko rin sila. Nandito ako sa punto de bista ng buhay ko kung saan selective ako sa mga pinakikinggan ko. And most of the time, kahit isang sentence o isang word lang ang sinabi mo, kahit pa ang words na yun ay "Shit Ka, Yanie!" kung naramdaman kong may pagmamahal ang sinabi mo, isasapuso ko yan. Hindi ko hinihiling na intindihin niyo ako, dahil malaki akong engot, walang makakaintidi sa akin, sinto sinto lang siguro... Ang nais ko lang ay sana pakiramdaman niyo muna ako bago niyo ako sabihan. Or better yet, wag niyo na lang akong sabihan, di naman ako nakikinig eh... yakap na lang siguro, pero dapat may kasamang luha at sipon na tumutulo.



Pangatlo. Para kina EJ at EZ. Ang ga-gwapo niyo. Mahal na mahal ko kayo. Grabe! Yun lang.


Paki greet na lang ako sa birthday ko hah! Salamat!